雖然今年 E3 Infinity Ward 以為《Call of Duty：Infinite Warfare》係主菜，但係我諗全世界都認為《Call of Duty: Modern Warfare Remastered》呢隻先係重點囉，可惜就淨係比咗條片咋陰功！

係片段見到都幾有誠意，並唔係求其高清化咗佢就算，係從最基本既場景安排、光影細節、人物模組等等都係重新製作，而最正既係咩阿？就係呢隻《Call of Duty: Modern Warfare Remastered》係無得單獨買架，一定要買《Call of Duty：Infinite Warfare》先會送埋比你，真係諗起都硬晒，我講拳頭咋！

僅供搭售……

完全重新製作，誠意十足

咁因為要硬食隻《Call of Duty：Infinite Warfare》關係，就係咁意講下啦，根據資料主要戰場係外太空場景無重力狀態下戰鬥。另外有遊戲角色係可以 Hack 入敵方機器人再 Set 佢自爆。遊戲會提供單人戰役、多人連線同殭屍三大模式。

另外係 E3 既媒體訪問環節當中，有相關媒體提到極多玩家對於呢隻《Call of Duty：Infinite Warfare》有唔少負皮，佢地既代表 Eric Monacelli 就話係因為玩家太熱情所以先會比負皮，玩過先再批評咁話啵。

遊戲將會係 2016年 11月 4日上市，分別會有 PC、Xbox One同PS 4版本，將會有3種版本

典藏版/數位典藏版

內含《Call of Duty：Infinite Warfare》以及《Call of Duty: Modern Warfare Remastered》。

數位豪華版

內含《Call of Duty：Infinite Warfare》、《Call of Duty: Modern Warfare Remastered》數位下載版以及 Season Pass。

專家典藏版

內含《Call of Duty：Infinite Warfare》、《Call of Duty: Modern Warfare Remastered》、Season Pass、收藏用 SteelbookTM，官方遊戲原聲帶以及額外遊戲數位道具。