琴日 PSN Plus就已經開放咗《Biohazard 7 Demo》Download啦，咁就梗係拿拿聲DL落黎玩啦！初玩之後個人感覺唔錯，就逐樣同大家講下！

畫面質素

畫面表現優質，亦都非常流暢，光暗位表達亦都做得好好，比較要挑剔既係爛肉，過期湯唔夠核突，相信用 VR玩既話會好好多。

遊戲內容

戰鬥完全欠奉，則重於解謎。當然呢部份只係 Demo 片段不能作準，但係 Demo 黎講有好濃既 Silent Hill + PT 味，主要玩探索解謎，就算拎咗斧頭都淨係得啲木箱比你劈，不過其實我鐘意……至於一直都有既道具合成係今次既 Demo 並無出現。另外全遊戲暫時只有 Umbrella Logo係同 Biohazard有關。

氣氛

由於係轉咗做第一身玩，視覺方面係營做氣氛放面已經佔優，再配合埋 7.1 Headset 黎玩既真係幾有臨場感！環境聲效方面，不時會係後方或者頭頂傳出腳步聲，撞到物件既聲音，另外場景方面並唔係全程黑媽媽，睇得到窗外係日頭黎，但係依然可以營做出陰沉恐怖既氣氛，呢點抵讚！

遊戲結局

基本上暫時我都未玩到 Ture Ending，而每次比人打暈之後都會有少少改變，咁我都分享下我搵到既分別 (劇透)

• 第一次搵到剪鉗之後睇帶，會係秘道地下執到鎖匙，直接後門離開

• 第二次係祕道會發現 FUSE，裝上之後可以上到三樓，聽電話

• 第三次拎到後門鎖匙之後，再係祕道拎 FUSE 上三樓，聽電話

• 第四次極速衝上三樓，如果無公仔面向你既話會有New Message

另外仲有唔少謎題未解，例如隻公仔手指點用，錄影帶多次出現既女鬼代表乜，仲有書架個上箭咀又係乜？我就未解到啦，有讀者解到話我知啦。