搶先係 E3 前發佈，由 KOEI TECMO Games 同無雙製作團隊ω-Force 將會無雙化呢套有生之年都應該唔會完既作品《烙印戰士》！

係無耐前官方就突然間開咗《烙印戰士無雙》既網站，入面除咗條片之外就乜春都無啦，今次既 Slogan係，「無雙」史上、最凶。有睇開既都知道烙印斷手斷腳攔腰斬係家常便飯，對於一向殺人不見血既無雙系列會唔會特別將本作做成限制版呢？暫時未有任何資料，不過格斯斬人唔甩手甩腳，啲內臟唔必到周圍都係既話就好奇怪吧？今次好明顯係配合烙印動畫化既攻擊，到底係會用動畫版定係比較黑暗既漫畫版畫風都係未知之數，希望唔會搞到佢變糞作啦，話晒我都幾期待斬白鷹架！

動畫版

漫畫版

根據官方，本作係 Playstation 專用，分別有 PS3，PS4，PS Vita 三個版本，預定2016年發售。