唔少人好期待既呢隻超大規模開放世界冒險Game《No Man’s Sky》(VJGamer譯： 個天無人既？)係啱啱就有消息話延期啦，開發商 Hello Games既創辦人兼總監 Sean Murray 係 PlayStation 官方Blog 度宣布 PS4 版將會延期到 8 月上旬先推出，Steam 版暫時就無變，依然係 6月25號推出。

《No Man’s Sky 個天無人既？》係一隻非常誇張既開放世界探索遊戲，用咗種叫做「Procedural Generation」既技術，令到所有登場既星球都係以特定程序產生，星球既名、地形、地貌、生態環境等等都係獨一無二既。根據資訊遊戲最多可以容納 1844 京 6744 兆 434 億 955 萬 1616 個星球，基本上單拖玩既話 50 億年以上時間先有可能探索完畢，即係玩命既同時亦都展示咗呢間公司對自己唔會執笠既決心。

遊戲PS4 版本會於 8月9日上市，PC版於 6月25日上市，售價 US 59.99，係第一隻第一身既連線星際探索遊戲。