獨立遊戲開發工作室 Sloclap，早幾日出咗佢地第一隻開發既作品《Absolver》宣傳片段，遊戲係屬於線上動作類別，用 Unreal Engine 4 引擎製作，遊戲預計 2017 年推出 PC 同家用主機版本。

遊戲背景係發生係一個廢棄咗叫 Adal 既地方，玩家醒咗之後就發現比人戴咗個神秘既面具，依稀記得好似曾經做咗個宣誓儀式，為咗加入維護世界和平神祕既組織「Absolver」。係 Adal 帝國既監控下，玩家要係呢個廢棄既土地上面探索，仲要同其他 Prospects (應該係 NPC) 學習有關呢個世界既事情，目標係要成為「Absolver」既一員。

遊戲流程睇介紹不外乎都係學新技，搵裝備武器呢類野。而內容方面係有分 PVE 同 PVP 部份，PVE 現階段公佈就係比人組隊入 Adal 礦山副本，而 PVP…其實要解釋咩係 PVP？

另外係影片同發佈既圖片見到，所有既角色都係帶住面具既，有理由相信開發商應該係無錢整咁多人物樣貌所以就好懶咁戴晒面具就算。

《Absolver》預計 2017 年推出 PC 同家用主機版本，係黎緊既 E3 會發佈 Demo 片段，敬請留意 VJGamer 既 E3專題報導。