《產品評測》本地薑獨家靜音大制

一直以黎大制都係無乜選擇既，唔係 Hori 就係 MadCatz，再唔係就拳霸，當然坊間有出現過好多 3百零蚊既垃圾制，咁我地呢啲追求 Quality of life 既玩家當然唔會考慮啦！咁好好彩最近有間非常有心既本地薑出咗隻可以 PC / PS3 / PS4 都用到既大制，而且仲有獨家技術去做既靜音制，作為最支持本地創作既 VJGamer梗係要同大家介紹下！

今次 Restart Workshop 所推出既 2款大制都係 PS 3 / PS4 / PC 都適用，係由鴻師傅研發同埋親自製造既，基本上玩街機有一定年資既都知道鴻師傅完全係「活著的傳說」，由佢出品既野根本就係信心保證！

講返支 Stick ，首先大家最關心既一定係啲制同埋支桿，放心，都係三禾既，另外亦都可以視乎需要換成獨家既靜音制！我地搵咗本身有打開街霸比賽既總編試用，佢話獨家既靜音制同 Hori 既隼比較之下爽既程度係輸咗少少，但係回彈方面係贏晒坊間既靜音制，而鴻師傅話粒制原來仲會改良，之後仲會有更好既版本，務求令到玩靜音制既玩家都可以享受到原版既清脆咁！最難得既係輸入延遲接近 MadCatz TE 2既水準，呢點亦係非常之出色！

上面設有 PS / Start / Share 等制

係桿同制方面水準同大廠既 Stick 有過之而無不及，不過要彈既地方都有，例如 Stick 上面既膠片係突起，有機會刮損手。控桿同制之間既空間需要再調整，另外4角固定既螺絲係突起，亦都幾唔美觀，另外出線位係底部出亦都比較古怪。鴻師傅就話其實都明白會有呢幾個問題，好快會有另一個完成度更高既新版出現！另外有買開大制都知道 Joystick 最多死因就係接駁線芯斷咗，呢點係新版制將會完全克服。因為接駁線會轉做連接線方式，條線基本上係好容易就買得到，免除咗呢個風險啦！

鴻師傅話已經著手做緊新改良版

手感真係唔錯，重量亦都好足夠

另外一款 Joystick 就係長身設計，以為淨係長咗咁簡單？少年你太年輕了，睇下頂既 I/O 位，可以見到一個 HDMI Port，一個 USB Port 同埋電源位一個。Joystick 點解會有 HDMI位？我諗唔少朋友已經估到啦，無錯，呢款 Joystick 係內置 Raspberry Pi3 係入面，內建 Recalbox，想玩舊街機 Game 完全無難度，而且佢既 USB Port 係可以連接另一支同款既 Joystick，再加上內置藍芽，想 4打炸彈人之類既遊戲真係話咁易，煩下搵唔搵到腳打機好過啦！