有人話：「秋風起，栗子肥」。錯喇，其實而家開始，栗子幾時都可以炒喇，聽下小弟講故啦～

係好耐好耐之前，有個毒細路，佢小學果陣就好鍾意整電腦遊戲，係智力既局限之下佢只係識用埋D開發程式去整下D RPG遊戲仔，自己整完自己玩。到到中學，又試過網上睇下D教學用自己電腦架設左個頁遊乜乜乜江湖出來，最高峰果陣有成十個人玩！係十個！嗯，不過呢個毒細路已經好滿足，高中果陣簡左做個文科仔，刨書刨書刨書，上到大學都係一個文科仔，佢幾乎連一句code都未識打。但機緣巧合下，佢搵到同佢志同道合既拍檔一齊開發手機game，就係咁，佢書都唔讀…住，就展開左佢轟轟烈烈，又烽烽火火既遊戲生涯！而呢個人就係我，華特麥。今日，小弟想隆重同大家分享一隻我地公司巨熊科技(簡稱:巨熊小隊)嘔心瀝血，富有香港味道既手機遊戲《炒栗栗子》！

唔少人可能覺得香港人整Game多數都無香港味，但《炒栗栗子》呢隻遊戲既靈感就係將香港街頭炒栗子呢樣地道野呈現係手機屏幕，並且將佢卡通化，以點擊形式等大家親身感受下係街頭炒栗子既辛酸(大誤)！而其實我地只係好簡單，尤其新一代開始少人鍾意係街度買炒栗子，而且街邊既炒栗子檔其實慢慢咁減少緊，我地將佢遊戲化，娛樂玩家之餘，亦都提提佢地街頭炒栗子係好有風味。

事不疑遲，即刻介紹下我地隻遊戲先。《炒栗栗子》係一款巨熊小隊開發既點擊放置遊戲。遊戲以栗子為主題，將香港地道既街頭炒栗子呈現係手機屏幕度，遊戲任務簡單直接，就是點擊畫面下方的鑊以提升燃燒值，從而解鎖新既栗子。

炒完一鑊栗子，獲得金幣之後，可以係升級頁提升點擊同設備效果。(P.S.頭先講到遊戲有放置元素，只要升級設備就可以熄左個APP佢，遲下入番來收錢。)

除左努力經營，都要慎防一下小偷！禁佢一下就可以將佢趕走，仲有機會送鑽石添～

仲有好多遊戲活動同功能等緊你地去發掘。呢隻game尤其岩收集控玩，有興趣既你地，快D去download啦～同埋繼續留意下我地既巨熊小隊既動態，有你地既支持，我地一定會做更多好遊戲！

遊戲已於Google Play及 App Store 上架：
iOS-
//itunes.apple.com/app/chestnut-clicker-chao-li-li-zi/id1107854509?mt=8

Google-
//play.google.com/store/apps/details?id=com.giantbear.chestnutclicker