有玩過 WOW都知道，推高難度副本又點會淨係隊藥劑，食物亦都係唔小得既野黎，話晒食完會有加成效果嘛。但係大家係 Game 入面食就食得多啦，但係有無諗過其實食落口會係咩味呢？最近Blizzard 就公佈咗會推出呢本食譜「 World of Warcraft: The Official Cookbook」！

今次同 Blizzard 合作推出呢本食譜既係一位叫做 Chelsea Monroe-Cassel 既作家，之前佢已經寫過《Game of Thrones》同埋《Lord of The Ring》既食譜，而且佢對於奇幻世界入面既美食非常有興趣咁話 (真係美食黎？)。而且佢亦都係呢本 WOW 既食譜入面講到，無論你係 WOW 既烹飪等級幾多都好，只要有咗呢本成240頁既食譜，就可以整到部落或者係聯盟既各種美食啦。

蜂蜜調味地衣 (Honey-Spiced Lichen)

基本級料理，官方食譜補充話，呢味料理相當受到不死族喜愛。

甜味馬鈴薯甜麵包 (Sweet Potato Bread)

睇相已經覺得幾好味既一道料理，上面有浸焦糖再加咗啲 Nuts，係 Northrend 間非常流行。

龍息紅椒 (Dragonbreath Chili)

雖然無辦法辣到你噴火，但係就可以令人係戰場上越戰越勇。這份流傳自 Kalimdor 既食譜已經大幅修改到好 User-Friendly，即係而家做呢味野唔洗去屠條龍先煮得咁囉。相對地就變咗要意大利香腸、牛肉餡、碳烤番茄、紅辣椒、泰國椒等等，要整都唔係咁易。

鐵爐堡伙食 (Ironforge Rations)

矮人間既民間食品，已經流傳咗成千年架啦，主要材料係啤酒同埋….羊雜。

奪天獸之爪 (Rylak Claws)

唔洗做瓜隻奪天獸先整到既。係食譜入面呢味料理係用肉桂、杏仁餡、砂糖、雞蛋等等材料烘焙而成既千層酥餅，亦係作者 Chelsea Monroe-Casse 係呢份食譜裡面最鐘意既一道菜。

壁爐谷典藏酒 (Hearthglen Ambrosia)、櫻桃酒 (Cherry Grog)
Hearthglen Ambrosia 本身係九十 LV 以上先隊得既酒，黎到食譜就變咗初入門就可以用啦。主要用水、糖、茶包、肉桂同豆蔻沖埋就係啦。

櫻桃酒就堅係酒黎，用啤酒，車厘龜等等沖埋就係，呢 2 杯野酒精成份都好重下，咪飲住黎打副本丫！

睇咗幾樣 Sample 啦，個人黎講就覺得幾 OJ既，不過呢本食譜就仲未正式出街既，預計今年 10 月 18 日就會正式上市，價錢就 21.47 美金 (未計運費)，而家係 Amazon 上面已經有得預購。有興趣就自己去訂啦！

World of Warcraft: The Official Cookbook