親身直擊！日本台場 VR – Project I Can！

作為VJGAMER的特派記者，今次我地潛入位於東京台場Divercity既 – VR ZONE Project I Can
但要進入試玩要先進行網上預約，所以冇進行約上預約既站長今次就只係得個望字

網上預約完全免費，時段為一個半小時，最多一次可預約四名。（十三歳以上）

而每次試玩就要付費，付費形式就用BANA PASSPORT先行付費方式，即是類似八達通
有自備BANA PASSPORT當然可以使用，好似我唔記得帶既，現場都可以買返張（300洋）

今次可以試玩既類型有「滑雪」「賽車」「電車」「機械操作」「恐怖」「極限挑戰」
由於經費有限，今次就試左日常唔會體驗到既「機體操作」「極限挑戰」。

可惜遊戲畫面係嚴禁拍攝既所以只可以影住我既活動記錄

Oops

講返兩隻試玩左既遊戲先，擬似機體操作實際係睇戲多過打機既Argyle Shift
其實佢有講明種類係cinematic attraction既…
而工作人員都說明呢個係簡易操作，適合未體驗過VR既玩家既

簡單黎講就係以第一身去睇一個故事劇情，進行對話直至作戰開始
雖然唔明佢講咩，有美女相伴係開心既，
戰鬥操作都非常簡單，將目標放入視線中心開火，將目標放入視線中心開火，
將目標放入視線中心開火。由於冇移動機體位置既機能，
所以要做既就係索敵，開火，索敵，開火。

第二隻就係極限挑戰「高所恐怖SHOW」～模擬高空200米既木板上營救小毛孩。
作為全場收費最高既遊戲設備都最齊全。除左goggle外仲有手套，鞋同救命繩一條。
入場前亦有提醒就算你驚到一步都踏唔出係唔會退錢既>▽<

整裝待發！第一個畫面就係嚮升降機面前等佢開門
周圍望見到既係大廈既大堂，一對手套同一對紅色converse（自己既手手腳腳），
入?後就會直接送你上200米高空室外既一條木板上（WTF!?），
開門踏出第一步時微風飄過，比起畫面同聲音呢陣風真係一瞬間有種由室內走出室外既感覺，
極度緊張既神經會對腳下木板些微搖動同微風都有好大反應。
旁邊位同學需要全程用晒四肢先去到目的地，
的確每踏出一步都需要唔少既勇氣（點會話你知其實我畏高），
即使遇到操作上問題又好，技術性故障都好，幾經辛苦，終於成功救返小毛孩落黎。