《Street Fighter 5》總監中山貴之最近公佈咗幾個開發初期諗過既 V-Skill 同V-Trigger，但係最終比人 Bam晒變晒廢案，但係都幾搞野，一齊黎睇下呢 5個無出到街既招係點！

Dhalsim’s V-Skill – Yoga Dimension

印度佬既 V-Skill 廢案。Yoga Dimension 招式發動後，印度佬就會強制同對手互換位置。而呢招只係對有飛行道具既角色有效！當初 Capcom 以為呢招作為 V-Sill 會好勁，但係實際測試後覺得效果並一般 (即係真係有做到出黎！)。整體黎講，Capcom 認為呢個設計並唔係好有意思，所以 Bam！《Street Fighter》系列入面，自己放既飛行道具對自己係無效，可能當初整呢招既時候做咗相應既調整)

其實個人黎講覺得呢招係戰略上面好有用，不過就唔係用咗 V-Skill ，而係 EX 類既招。如果印度佬招動作同瞬移係差唔多既話，到時手就要睇埋到底係印度惱自己閃定係同你換位，如果係係實戰既話就會變成多擇招式！

Guile’s V-Skill – Catapult Reload

軍佬既 V-Skill 廢案。發動之後軍佬會直接進入蹲下姿勢，並且會係蓄滿力既狀態，而且任何招式都可以立即取消進入 V-Skill 狀態。不過呢招太過OP而且非常之無聊，所以 Bam！

結果大家都知道啦……官方就比咗呢招佢囉……(其實餓狼班友一早識啦！)

Claw’s V-Trigger – Sadistic Chamber

爪仔既 V-Trigger 廢案。構想係 V-Trigger 發動之後，爪仔會好似多蒙叫 Gundam出黎咁啪手指，之後就會彈返2代背景既鐵絲網出黎！成件事係既有型，但係無乜實際作用，而且作為 V-Trigger 黎講真係好廢……仲要用到非常高既製作成本，雖然本來官方很認真咁考慮要入遊戲既內容，但係最終都係 Bam。

就好似中山總監咁講，啪手指果下雖然有型，但真係幾鬼無謂……不過如果係網上面可以作出唔同派生既話會唔會可以做成多擇呢？諗諗下其實都幾過癮！

Nash’s V-Skill – Harrier

Nash 既 V-Skill 廢案。發動後可以令到 Nash 係空中或者地面上面使出一個高速前衝！不過因為 Nash 既 V-Trigger 已經係 「音速鳩衝」，再加埋呢個 V-Skill 就好似重疊咗，所以亦都係 Bam。

即係本身 Nash 已經好強……再加埋呢招不如叫 SFV Nash Edition 丫笨！

Zangief’s V-Skill – Grab Onto Anything

蘇聯佬既 V-Skill 廢案。當蘇聯佬既打擊技比人擋咗之後，可以立即轉換使出一個投技，而且無論係站姿，空中定係蹲下都可以！好明顯呢招 OP得濟，而且同蘇聯佬既設計理念不符，所以 Bam！

其實 Capcom 之前講過加咗火掌既話係會同蘇聯佬既設計理念不符……，不過又老實講呢招如果真係有就太強啦，或者修改到好似 Alex 咁要出完個前置動作先出到，咁就合理少少。不過 Snake eye都覺得蘇聯佬根本就搞笑用…….呢個應該係 Capcom 官方設定既蘇聯佬既設計理念掛。