BANDAI NAMCO Entertainment 又放咗啲新料出黎，今次終於係講下新系統啦，咁暫時就話會有2樣新野，分別係「雙機戰鬥系統 (ツインバトルシステム)」、「武器選擇系統(ウェポンセレクトシステム)」呢兩種戰鬥系統既情報。

• 雙機戰鬥系統
基本上即係將 2架機 Group做小隊出擊，咁當然唔能夠同戰艦組啦！好處係可以進行集中攻擊，增加對敵機傷害。而且當使用雙機單位，就可令出擊機體既出擊數增加。另外亦都可以因應唔同既情況採取以主單位與副單位來攻擊單一架敵機，或者分開個別攻擊敵機，又或者用全體攻擊同時打敵方主副單位。

部隊編成方面，除咗係出擊之前可以編組之外，係地圖上面亦可以做到，只要單機同單機距離 8 格之內就可以選擇「合流」，咁就得咗！

部對編成畫面

有自動編成系統

係地圖都可以進行編成

雙機戰鬥攻擊選擇大約有以下幾種：

集中攻擊

主單位同副單位對敵方單機使用普通武器，進行集中攻擊。當敵方都係雙機單位既情況下，就會有選項比你揀打主定打副單位。

雙機發動集中攻擊 狙擊同一敵機

個別攻擊

即係 2vs2 既情況下，我方主單位打敵方主單位，我方副單位打敵方副單位，俗稱「隻抽隻」。

全裸攻擊

一樣 2vs2 既情況下，用全體武器同時對敵方主單位同副單位攻擊，而如果副單位既機體係處於能夠使用全體攻擊武器狀態既話，就會同主單位一齊發動全體攻擊。(好壯觀)

EX 凶鳥射擊型 R型 全體攻擊武器 – 多重追蹤飛彈

• 武器選擇系統
今集既機體武器除咗有本身專用「固定武器」之外，仲會有可以係機體之間裝備同解除既「換裝武器」。換裝武器各自設定有「武器量表」，只要係機體預設既內就可以自由裝備換裝武器，即係話以往無遠攻 / 近攻既機體可以一改宿命啦！(但係唔係全部機都有得換裝架)

空之騎士換裝武器選擇畫面

換裝武器 HG 輪轉式手槍

換裝武器之 HYPER 光束步槍 S

換裝武器 噴射大槌改

另外初回限定生產版入面 (PS4限定) 會有一隻藍光光碟特典，內容收錄咗「超級機器人大戰 OG BEACH THE DELUXE」圖片劇情集，合共四話，主要講一班女角海邊渡假之間既事。

遊戲將於 6 月 30 日發售，有 PS3 同 PS4 版本。日文版普通包裝售價實體版、下載版皆為 8200 日圓。

PS4 版專屬的初回限定生產版，內含實體遊戲光碟，官方機械設定資料、靜止圖繪劇 Bru-lay 藍光光碟、原聲帶 CD 以及由大張正己繪製既特製 BOX 。價格為 11800 日圓。