驚到瀨屎之作《Outlast》既續作係上年就已經講咗會係咁年秋季出續集，遊戲會有 PC、MAC、PS4同埋Xbox One 版本。咁開發商 Red Barrels 係啱啱既 Pax East 2016就有 Demo片段釋出啦，秉承住上集驚到瀨屎既傳統，今集睇片黎講水準 Keep到 (我真係好鬼死鐘意玩恐怖 Game架)！
《Outlast》既故事係描述一位非常之咁八掛既記者，收到告密信之後，單拖走去調查一間傳聞進行恐怖實驗既精神病院，入到之後先發現中伏……今集故事將會係上集既延續，不過無玩過上集都無問題，因為主軸都係要嚇到你瀨屎。另外今集係影片入面見到，依然係手無寸鐵既，所以比人追殺就只有逃走呢個途徑。同上集一樣，係要用攝影機既夜視模式先睇到黑暗既區域，而且一樣係要用電既……點樣控制電量都係《Outlast》既好玩之處。
唔想再見到佢丫！！
VJGamer總編，細細個已經蒲機舖，機齡甚深，熱愛電玩文化。