其實之前《Dark Soul》系列老豆宮崎英高已經宣布咗今集係《Dark Soul》系列最後一集，我黎講就當然好唔捨得啦，不過就好似《Dark Soul 3》其中一個結局咁，雖然火既時代已經結束，但係不久既將來又會有火種升起。咁開發商 FromSoftware 亦都宣布佢地已經開發緊一隻全新既遊戲，而根據 FromSoftware 呢條招募廣告影片，呢隻傳說中既新作將會於2017年發售，而且將會係多平台，包括有 PC，Xbox One，PS4同埋PS VR。同時亦都會係 FromSoftware開發既首部VR遊戲 (VR第一身玩 DS…..我唔得啦，嗚丫！)。

 
至於新作係乜，暫時就乜春都未知，淨係知會係全新作，連會唔會做成系列都唔知，而且宮崎英高係採訪入面亦都確認咗唔會係魂系列既衍生作。呢點我就覺得比較可惜，話晒《Dark Soul》系列每集唔講遊戲難度，淨係故事都夠你討論一大餐，呢樣野係其他作品上面係見唔到既，新作會唔會一樣咁吸引人呢點真係唔敢講。

希望係新作推出既同時，FromSoftware 可以Remaster 返《Demon Soul》同埋《Dark Soul 1》，話晒今集已經成為萬代南夢宮公司史上銷量速度最快既遊戲，又得到大量正皮，呢個時候出返初代可以等我有得儲齊成套嘛 XD。