已經進化做手機Game大廠既 SQUARE ENIX，將會係2016 年春季推出以《女神戰記 Valkyrie Profile》為基礎既新作品，《Valkyrie Anatomia – THE ORIGIN》，本作將會係手遊類別，會係 iOS / Android平台上推出。而係早前 SE就釋出咗多項新情報，分別係會有由 CyDesignation 皆葉英夫同永井悠也所執筆繪製既「戰乙女」主視覺插畫，同埋角色既聲優陣容。
第一部宣傳片
第二部宣傳片
另外最新公開既第二部宣導影片入面就有提到，本作既世界觀係描述世界係太古時期已經被分為 9 個區域，神明們既鬥爭令到人類居住既世界亦都陷入混亂狀態。係呢個時候失去神兵既神明們派咗一位女神前往人間，佢既任務就係要選定一位英雄，培養兵力之後將其魂魄送往神界。而係無止境既爭鬥當中，人類所盼望既就只有「戰乙女」瓦爾基里既降臨。另外根據消息宣傳影片係總共會有三部既，全部都係由SQUARE ENIX 內部影像製作團隊「VISUALWORKS」部門負責。
《Valkyrie Anatomia – THE ORIGIN》預計今年春季推出，有興趣既朋友記得去做埋事前登錄，今晚11點就截止架啦！ 而事前登錄將會係送《女神戰記 Valkyrie Profile》版「蕾娜絲」。另外係日本時間 4月26日夜晚8點到12 時呢段時間，官方網站上面將會公開 24 分鐘特別版背景音樂，由櫻庭統作曲既「積層神話敘說」(好難讀！)。
《女神戰記 Valkyrie Profile》版「蕾娜絲」
♦ 聲優陣容
蕾娜絲・瓦爾基里(レナス・ヴァルキュリア)／澤城美雪
奧丁(オーディン)／山寺宏一
諾倫(ノルン)／加隈亜衣
賽娜(セナ)／佐倉綾音
妲利涅(ダリネ)／生天目仁美
《女神戰記 Valkyrie Profile》版「蕾娜絲」／冬馬由美
VJGamer總編，細細個已經蒲機舖，機齡甚深，熱愛電玩文化。