正阿喂，Bethesda 宣布，《The Elder Scrolls: Legends 上古卷軸：傳奇》開放玩家申請封測資格，呢隻Game係以知名遊戲《上古卷軸》世界觀為背景所開發既免費線上策略卡牌遊戲，同時仲公開埋遊戲玩法介紹影片。有玩過神作《The Elder Scrolls Online》既點可以放過！(幾時出埋Fallout卡牌)

Bethesda 方面表示，玩家可到《上古卷軸：傳奇》英文官網申請封測資格(傳送門)，抽中既玩家將會有機會參與 PC 版本首次封閉測試，而官方亦會係之後開放更多玩家參與既封測。

今次《上古卷軸：傳奇》是款策略卡牌遊戲(爐石咁)，玩家會係遊戲中遇到《上古卷軸》系列中既角色、生物、神明與傳說等，另外遊戲亦提供咗5個模式，強調易學難精，不論初學者或者是專業玩家都可從中獲得樂趣。遊戲亦都有豐富既牌組同愆生出唔同既策略，每次對戰賽都將會有唔同既體驗。

有興趣既朋友就要留意由今日起，係美國波士頓既 PAX East 遊戲展。《上古卷軸：傳奇》會係今次遊戲展Bethesda 攤位現場做Demo，去唔到都唔洗驚既，因為官方亦會係美國時間 4 月 23 日中午， Twitch 入面既 PAX 直播頻道介紹呢款遊戲。

最後《上古卷軸：傳奇》PC/iOS 尚未公開遊戲正式上市日期(Android呢？)