琴日先講完《刀劍神域 Online》呢隻VR Game，轉個頭又有VR既消息，今年真係VR年！

啱啱IGN就請咗一班人體驗將會係今個夏季推出既恐怖VR Game《Paranormal Activity VR 鬼影實錄》，佢地鎖住班人係間房入面玩呢隻Game，成個過程嚇到班友喊咁口，全條片基本上充斥住尖叫，最激既係有人頂唔順攤咗係地下，睇黎最適合VR既遊戲類別應該就係恐怖 Game！

呢隻 Game係分別支援Oculus Rift，HTC Vive 同埋 PlayStationVR，玩法就似PT在一間鬧鬼的房子裡走來走去。發放出黎既Demo片段簡要展示咗各個場景，如果係呢間屋入面Hea得越耐，就會變得更多野嚇鬼你。你會聽到背後傳來某種聲音，但係你拎轉頭就乜都無，然後再拎轉頭啲凳子就突然全部飛晒上枱咁。而啲燈又光又暗阿，突然轉角有個女人阿，本來度門開到，轉個頭就Lock咗呢啲就係例牌菜啦。

突然出現既字，突然疊起既櫈

今次呢隻《Paranormal Activity VR 鬼影實錄》特點係令人置身係電影之中，因為唔再係旁觀者既關係，做親乜決定都係自己攞黎賤……即係明知間房門半掩……有喊聲就擺明引你入去啦…..仲入去咁比人追都無計既，真係頂唔順咪除咗個VR頭盔囉。

咁既款就擺明係引你啦

遊戲有解謎要素

嚇到跌低

已經頂唔順……喊緊

講到呢度……我好想玩PT！如果有VR版PT我應該會嚇到瀨屎……

遊戲小資料補完：(資料取自Wiki)

《靈動：鬼影實錄》（Paranormal Activity）是2007年美國恐怖偽紀錄式電影，《鬼入鏡系列》的第一集，由影壇新銳導演歐倫·佩利以15,000元美金的超低成本完成拍攝。此外，電影並於2007年10月14日年在Screamfest Horror Film Festival首映，原只是十多間戲院上映的小本電影，口碑甚佳，票房累積已破全美一億美金。在Steven Schneider建議下，導演把結局進行了修改，結局總共有三個。於2009年全美國及2010年全球正式上映。