Marvel電影世界(MCU)經已進入第三階段(Phase 3)，過多個星期就睇到《美國隊長3：英雄內戰(Captain America: Civil War)》，當中一定有新角色出場。
而《奇異博士(Doctor Strange)》將會係Phase 3第一套新角色獨立電影。

今次聽聞仲有香港取景，不過預告中似乎係扮香港景而非實景拍攝。

講故Mode開動：
主角作為一個天材醫生不幸炒車斷埋雙手，做左輪廢中後唔知邊度聽到尼泊爾有個神醫可以幫到佢。上到山點知原來唔係神醫係神仙，醫完之後仲跟佢學埋法術。當然冇咁易放你落山啦，呢個時候一定會出現一個心術不正嘅師兄想搞亂檔，結果就會打一場正邪大決戰。

~完~

其實今次對MCU都有唔少新突破，例如風格上比已往作品陰沉，皆因導演 Scott Derrickson 拍開全部都係驚慄恐怖片種

主角 Stephen Strange 係少數有師父傳受能力嘅角色(Antman都算半個啦！)

主角師傅 古一(Ancient One)反串由Tilda Swinton 飾演。

MARVEL《奇異博士》預定10月27日搶先上映