講到電子書，不外乎都係幾個action，唔係上一頁就下一頁，再叻啲就係加埋放大阿，save image咁咁咁。基本上同實體書分別不大，只係重量輕啲咁解，但係有隻都唔知話佢係 Game好定書好既APP出咗世，仲要編劇、作畫、動畫同埋去到程式編寫都係由 Peakman 一條友做晒！

更加重要係咩阿？係香港人做架！之前外國媒體都有報導，作為支持本地創作既 Vjgamer梗係會為大家介紹下啦！

去片先！

係條片入面見到，充滿住好濃既歐美風格，而根據作者所講並唔係得打打打，反而係著力內心戲，係有啲吸引力既！

電子書有配樂、聲效同動畫效果

而標題所講既互動係點互動法呢？作者好聰明地將而家遊戲常用既 QTE 系統放咗入去電子書度，係一啲關鍵既位置由以往既下一頁變成要你做反應，都幾得意！

睇書都有 QTE

更多資料可以去官方網站度睇下
//epicpuzzle.wordpress.com/