《光明旅者 Hyper Light Drifter》係一款美國獨立遊戲開發商 Heart Machine 製作既作品。係2013年果陣佢地係Kickstarter 集資，目標為 2.7 萬美元，但係只係用咗一個月時間佢地已經超額集資咗65萬美元。

本身係今年春季就會出埋係 PS4、PS Vita、Wii U 同埋 XBOX ONE上面。 PC 版(即係Steam)已經係 3 月 31 STEAM 上咗架啦。

如果鐘意呢類起晒格懷舊味既，相信呢隻都會啱你胃口。遊戲係 2D 既 APRG，最特別既係佢融合咗現代化既美術設計，而且個Feel都幾係 2D版既 Diablo，Dark Soul。

故事講述玩家扮演一個患病浪人，為咗搵醫佢呢個病既藥，所以黎到呢個世界，同時又要對抗黑暗力量。

遊戲戰鬥系統既簡單又爽快，除咗有劍用以外，又有槍用(Devil May Cry?)，打到咁上下又有得買技能同強化技，最特別既主角有一招衝刺技能，避招跳坑都係靠晒佢。而且個地圖仲好鬼大，除了中間買賣區以外，其餘四邊地圖都係副本黎。

GamePlay示範

上面講過呢隻Game係有現代美術風格既，外國班Fans就好鐘意啦，我都覺得幾特別(唔係做乜介紹比你地)，百零蚊有呢個質素個人覺得真係齋儲唔玩到OJ既。