每次睇都餓到痴筋，由附田祐斗擔任原作、佐伯俊負責作畫，於集英社旗下漫畫雜誌「週刊少年 Jump」連載中漫畫作品《食戟之靈》，宣布咗將推出第二季動畫之外，官方同時公佈埋第二季既宣傳影片。(喂餓死啦！)

本故事圍繞位於東京內一所料理名校「遠月學園」，主角幸平創真國中畢業之後為咗繼承家業「幸平餐館」，所以依照父親指示黎到「遠月學園」，以特別編入生就讀。「遠月學園」係畢業率連10%都無既學校，來自世界各地廚藝精銳年輕人都聚集係度比拼，係互相爭奪料理頂點既戰場。係呢度為咗擊敗對手，互相賭上等價賭注，用料理進行單對單決鬥，就係遠月傳統料理對決－「食戟」。另外本作最吸引人既地方就係故事入面出現既料理大部份都係現實可以做到出黎架！

真係做到出黎架!!

除咗動畫之外官方亦都公布《食戟之靈》漫畫第 19 卷預約限定動畫 DVD 同捆版宣傳影片， 4 月 26 號就截止，發售時間大約係 7 月 4 號。

動畫官方網站: //shokugekinosoma.com/