雖然話唔係拎正牌叫惡魔城 (因為版權係 Konami手上)，但係由惡魔城之父「五十嵐孝司」製作既2.5D動作遊戲《Bloodstained: Ritual of the Night》，大家都知係咩料啦，之前課過超過 60美金既人就可以係 13號玩下 Demo咁，另外 E3都會展出呢隻作品既，都係果句到時記得睇我地既 E3 專題啦！
今次呢條片主要係展示場景，角色動作同埋音樂，可以見到動作非常之咁流暢，場景亦非常精細，音樂亦都保持到一貫水準，真係放心晒！本身見到隻《Mighty No.9》都幾擔心，話晒呢隻惡魔城既開發團隊同 Mighty No.9一樣係INTI CREATES，咪話唔腳震！
《Bloodstained: Ritual of the Night》採用Unreal Engine 4製作，係2.5D既探索動作遊戲，將會有 PC、Mac、Linux、Xbox One、PS4 版本，遊戲背景時間係18世紀末，故事講述因為科學同魔術既結合，鍊金術公會既地位同利益受到影響，於是搵咗班孤兒仔做祭品，從而製做出同魔力結合既魔道人類，然後要召喚地獄城黎到世界咁。
Miriam
自細就比鍊金術師施予秘術，咁就瞓咗10年，亦都因為咁避開一劫無成為祭品。
Gebel
做過祭品而又係唯一存活既男人，為了復仇而滅咗成個鍊金術公會，當復仇成功之後亦都意識到自己已經不再係人類，所以就要將地獄城召喚出黎。
Johannes
所屬鍊金術公會既鍊金術師，係Gebel唯一既朋友，但係反對召喚地獄城黎現世，為咗整走地獄城而進行緊鍊金術研究。
有得換衫換髮型
VJGamer總編，細細個已經蒲機舖，機齡甚深，熱愛電玩文化。