Vans 不嬲都同唔同媒界crossover推出特別鞋款，今次更踩到遊戲界，以任天堂標誌性嘅8-bit遊戲人物及「紅白機」作為創作靈感，聯乘推出一系列產品，包括鞋款、服裝同配飾，今次有份出現嘅遊戲人物有孖寶兄弟（Super Mario）、射鴨子（Duck Hunt）、猩猩王（Donkey Kong）同薩爾達傳說（Legend of Zelda）。將各遊戲嘅特色化做印花圖案，加埋8bit元素，令遊戲人物及「紅白機」完全融入成個 Vans 系列。
今次聯乘系列仲有夏天出街必著嘅拖鞋，全部都以任天堂經典“Game Over”標語設計。
另外鞋盒都整成「紅白機」咁，玩味同收藏度大增! 6月3日起正式發售。
