之前我地介紹過既《Monster Hunter Stories (モンスターハンター ストーリーズ)》，CAPCOM 就正式宣佈會係 10月 8日上市啦！3DS 專用，遊戲售價為 5800 日圓，6 月 2 日就可以預訂啦，另外有 MHX Save既玩家會有連動特典。

今次呢隻野係第一隻用 RPG 玩法既 Monster Hunter，最大既特點就係會依照 Monster Hunter 既世界觀延伸故事，同埋極度樣衰既艾路貓 (Shit！)。製作人係由負責MH系列作品既辻本良三擔任，「世界觀監督」就係由正傳系列既藤岡要擔任，Capcom 話呢隻遊戲希望吸引更多小學雞既 Fans 咁話啵。

故事世界觀

係條騎士村發生既故事，講主角同另外2個朋友 (リリア)、(シュヴァル) 去森林偷蛋，跟住唔小心孵咗條雄火龍出黎，然後就無啦啦引發咗「黑色凶氣」大災難，跟住條村就大破啦。然後主角同佢果2個朋友就各自修行，然後修行到咁上下又再見到大災難想再次降臨，於是就去拯救世界既老土故事。

人物介紹

主角，可揀男女，可以自訂髮型、五官等等。

偷蛋三人組之一 リリア

偷蛋三人組之一 シュヴァル，係三個人裡面最早出外修行

今集既艾路貓，以主角同伴身份存在……(超樣衰)

隸屬於王立書士隊調查部隊隊長，シモーヌ

職業獵人リヴェルト

遊戲系統

主要係透過得到「蛋」黎孵化，之後就可以得到屬於你既數碼暴龍。「蛋」黎講呢就可以係魔物巢穴得到，而魔物成為隨行數碼暴龍之後係會有自己既經驗值、技能同埋羈絆值，而且係可以透過「傳承之儀」令到魔物技能覺醒。

偷蛋……(其實偷咗咁多集蛋我真係好厭惡)

透過NPC「伝承ジイさん」進行「傳承之儀」黎喚醒魔物隱藏能力

透過「傳承之儀」白兔獸覺醒咗噴火 (唔知有無識飛既藍跳？)

戰鬥系統

戰鬥係會由主角同埋同行既數碼暴龍一齊進行，而且係戰鬥途中係可以更換隨行暴龍既。而戰鬥入面，隨行暴龍係會自己行動，所以主角除咗要攻擊敵人之外仲要對隨行暴龍落 Order 輔助隨行暴龍行動。

 
通常攻擊手段有「パワー攻擊」、「スピード攻擊」同「テクニック攻擊」三種，會因為對手既屬性產生傷害變化，勁似吉之島入面果啲遊戲機。同 MH 一樣玩家了解敵對魔物習性，分別使用三種屬性相剋攻擊。

只要成功解讀敵對魔物行動，在「真っ向勝負」當中獲得勝利，隨行暴龍既羈絆值就會提昇。當羈絆值計量表累積一定程度後，就可以使用騎士特技或者隨行暴龍既技能，如果羈絆值計量表全滿既話仲可以騎上去，並且施展超強絆技。

獵人武器、裝備

基本上 MH 既核心就係裝備，呢隻遊戲都有保留呢點，武器方面暫時公佈會有大劍，片手劍，大錘同埋狩獵笛，至於裝備方面似乎非常豐富，睇住圖先啦！

MHX Save 連動特典

有 Monster Hunter X Save既玩家可以得到下面 2樣連動特典，分別係斬龍片手劍同埋斬龍艾路貓裝。