Lúcio呢個支援類角色，一個字-煩！

煩在你遇上佢一定要先打佢，但係打中佢係有點難度。因為唔殺佢就後患無窮！

VJGame 角色評價： ★ ★ ★ ★

特色：

高速度角色，落單或被追擊下可高速逃離現場。”切換曲目”可選擇範圍回血或加速，而曲目中間數字就代表你範圍內有幾多同伴被你賦予狀態，再加上”音量全開”去強化，絕對係團戰中嘅圖騰柱。

可惜角色攻擊力奇低！基本上佢無單殺嘅能力。得 200 血量，如果新手未熟習隨時不斷獻頭。

技能及技巧：

切換曲目
L1：其實係切換「範圍回血狀態」或者「範圍加速狀態」。

音量全開
R1：將「範圍加速」 / 「範圍回血」狀態再強化。

回血狀態強化

加速狀態強化下速度變化

音波砲
L2：雖然 4 秒 冷卻時間，加上攻擊力弱，但係睇準時機，只要敵人企喺崖邊就可以「一擊必殺」！但要緊記，面對鎚佬 Reinhardt 開盾的狀態下要從後擊飛，因為開盾後係擊飛無效。

音波槍
R2：攻擊力弱嘅程度只比補血天使 MERCY 高少少，除左用嚟擾敵外就只係執死雞。

大絕「音波屏障」

開技後立即增加範圍中同伴 500 護盾值，但 5 秒內會遞減回 0 ，所以要好好把握呢 5 秒。

技巧——隱藏於團隊中，成為控制節奏的黑子

管理團戰節奏
唔好以為長期回血就做左野，進攻或後退都需要高速行進。改變自己團隊速度同時可以打亂對方節奏，再用「音波砲」吹散對方團隊，甚至可以製造敵方落單情況。
留心聽，隨時打個逆轉勝
好多角色嘅大絕都唔應該吝嗇，但Lúcio就必需好小心使用，佢一個大絕隨時打到個逆轉勝。因為敵方每每出大絕喝出個招名出嚟你聽到留意到，例如「自爆」或者「龍魂擊」，雖然食到正你都實死，但如果走得開少少加嗰 500 盾，應該可以立刻做個反擊。
落單，都未必一定死
每當 1 on 1 情況下，走係最佳選擇。最好先用音波砲將對手推開一個距離，再用 Lúcio 被動技 “Wall Ride” 利用行牆逃生。儘管少血但係冷靜下 Lúcio 仲有機會逃生。

總結

只要喺人群中走動穿梭或隱藏，Lúcio係能夠保人亦保己，加上一個準確嘅進攻及逃走節奏控制，輸嘅機會就會大大減低。