魂系遊戲嘅出現啟發咗唔少人嘅創作，今次介紹嘅作品《Cryweard》係由一位日本學生獨力製作，雖然唔少地方顯得粗糙，但係核心嘅戰鬥部份就做得唔錯，主力玩單對單技術較量見招拆招，作為第一款作品絕對唔失禮。

《Cryweard》由獨立製作者 Metaseven 開發，係一款類魂系動作角色扮演遊戲，採用第三身視點。玩家將扮演一名無名戰士（個樣好有烙印戰士格斯味），為咗解開名為「Cry」之謎於世界各處旅行，旅途上會遇到名為「Weard」嘅強大敵人，以自身魔法力量與之對抗。

戰鬥系統係本作核心，雖然有普攻連擊，但係主要係靠迴避、防禦、反擊、盾牌吸收、衝刺撞擊去應對不同敵人及攻擊去破招。例如面對熔岩守護者時，喺佢攻擊時用衝刺撞擊就可以吸收傷害並製造機會反擊。另外，玩家更會有機會得到各種技能書，學習並強化技能，創出自己嘅戰鬥風格。

開発者的にはラッシュはむしろ強すぎるくらいなんですが、これは慣れすぎただけか…？#Cryweard pic.twitter.com/mA1xRG3AWM

— Metaseven (@suramaru517) July 6, 2022

《Cryweard》預計於 10 月推出，對應平台為 PC Steam，現時有提供免費體驗版下載。