法國工作室 Spiders 最新動作遊戲《SteelRising》宣佈將於 2022 年 9 月 8 日上架，對應平台為 Xbox Series X｜S、PS5 及 PC（Steam｜GOG），由 Nacon 發行。

《SteelRising》以法國大革命作為背景，不過遊戲中嘅「法國大革命」與歷史上面嘅認知有所不同，於遊戲世界中，法國宮廷有使用機械兵嘅習慣。玩家飾演嘅 Aegis 就係擔任瑪麗皇后近身護衛嘅精英機械兵。路易十六荒淫而無能，有暴君之名，民眾掀起革命，路易十六就嘗試以機械兵震壓；而瑪麗皇后希望阻止機械兵屠殺人民，於是吩咐主角去搵出當時開發出機械兵嘅人，希望可以制止機械兵嘅暴力行為。

遊戲為一隻充滿科幻元素的動作遊戲，按目前公開的遊戲片段所見，遊戲充滿爽快戰鬥與異色美學視覺元素，相當令人期待。

遊戲工作室 Spiders 前作為動作 RPG《Greedfall》，為一挑戰 3A 級別的作品，世界觀宏大而富有互動性；不過，當時遊戲初推出時，遊戲操作以及界面都被玩家形容為「不友善」令遊戲評價平平。未知道吸收前作經驗之後，今次的《SteelRising》能否為玩家帶來全新驚喜？

遊戲將於 2022 年 9 月 8 日上架，對應平台為 Xbox Series X｜S、PS5 及 PC（Steam｜GOG）；工作室另一作品《Greedfall》已登錄於 Xbox Game Pass，有興趣嘅玩家可以下載遊玩一探究竟。