於 2022 年 2 月 25 日推出的魂系開放世界動作遊戲《Elden Ring（艾爾登法環）》相信絕對係遊戲界近日最炙手可熱的作品，老手固然「宮崎英高世一」，遊戲同時亦吸引了唔少新手慕名入坑。不過，根據遊玩數據統計，唔少玩家已經棄左坑，或者仲係停留喺新手區域，更有唔少玩家於 Reddit、Twitter 或者其他海外平台上面表示：玩《Elden Ring》玩到好有挫敗感！
今次嘅《Elden Ring》探用開放世界設計，FromSoftware 建議玩家多作探索，唔好淨係衝主線，如果唔係會錯過好多故事資訊同埋地區嘅頭目。
不過，佢地亦暗示過，《Elden Ring》嘅玩家身份，同以往《Dark Souls》系列嘅主角唔同。《Dark Souls》系列裡面，玩家係「被動地成為了不死人，被動地去進行歷險」；但係於《Elden Ring》裡面，玩家係「主動地想要成為獲得艾爾登法環以成為王」——既然今次你係要挑戰成為王，主線頭目自然係一個比一個難打，所以玩家多作遊歷去強化自己，對戰事絕對有利。
至於好多玩家表示玩到好挫折，宮崎英高早前接受 The New Yorker 訪問，佢用手托住塊面地回答，「我啲遊戲好難玩？我知呀，我好抱歉。」，回答完仲笑笑口，「但係難度就係 FromSoftware 嘅特色。」
宮崎又表示，於真實嘅人生裡面，死亡可能係一件好可怕的事；但係於遊戲世界裡面，死亡以及重生，可以有著不一樣嘅意義同埋價值，佢地好想玩家可以體現到呢一點。
無問題，編輯部而家就返去同大家一齊體制死亡與重生無限 Loop！
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。