喺 2018 年曾經奪得放視大賞 PC 遊戲創作組金賞、宇峻奧汀特別獎等多個獎項，並引起網上大量關注嘅作品《炎姬》，本身只係由身為學生嘅何祥祿獨力製作，後來得到台灣行政院國家發展基金，得以組成製作團隊並持作製作至今，日前終於推出新預告片以及公開發售日期，質素不足令人期待！

《炎姬》由台灣獨立團隊夕暮工作室（Crimson Dusk）以 3D Unity 引擎製作，係一款彈幕動作遊戲，採用第三身視點。故事講述喺人魔共存嘅世界中，出現五位擁有足以破壞世界平衡力量嘅上位妖魔少女，為咗保護人類，大神官派出手下最強嘅除妖使「炎姬」，以及輔佐佢嘅神使「安」斬妖除魔淨化世界。

遊戲戰鬥部份類似《DMC》溝《NieR:Automata》玩法，有華麗流暢嘅連擊，同時要兼顧閃避彈幕，非常刺激，更會有解鎖特殊武器裝備元素。影片所見，敵人發動攻擊前會有「紅線」標明子彈軌道，玩家要先迴避再借機反擊，Boss 戰更會出現彈速不一甚至固定嘅彈幕，以時間差增加迴避難度，挑戰性十足。

《炎姬》預計於 2023 年上市，對應平台為 PC Steam，對應繁體中文。