葡萄牙獨立遊戲工作室 Untitled Studio 為玩家帶來全新「酒館模擬器」遊戲《Tavern Master（酒館大師）》，遊戲於 2021 年 11 月 16 日正式上架，對應 PC Steam 平台，官方同步對應繁體中文版本。

模擬經營系列遊戲一直受到玩家歡迎，而今次介紹的《Tavern Master》就以中世紀旅館經營為題材。玩家最初只擁有最簡陋的桌椅和佈置，隨住玩家等級上升以及經驗累積，將小酒館發展成當地國王都會讚好留宿的豪華酒店，就係玩家嘅任務同挑戰。

由酒水供應、料理種類、定價，去到座位擺脫、門面裝修，以及如何管理你嘅員工；《Tavern Master》並無太多花巧設計，而係一隻實實在在的傳統經營遊戲。

不過玩家能否一眼關七、利用現有資源，去將自己店鋪發揚光大、留住熟客、增加口碑，從而獲得更多收入，就要睇玩家嘅管理能力。同時遊戲會加入中世紀獨有的氛圍，例如光臨嘅顧客種類、菜式嘅變化、裝修嘅風格等等，都係遊戲另類的吸引力所在。

假如你一向熱愛玩經營類別遊戲，《Tavern Master》於 2021 年 11 月 16 日正式上架，對應 PC Steam 平台，官方同步對應繁體中文版本。