獲得極多好評嘅《Hellblade: Senua’s Sacrifice》現已針對 Xbox Series X｜S 平台，作出全方位畫面及效能提昇，即日起兩部主機玩家均可以在平台上遊玩強化版本嘅遊戲。遊戲已登錄於 Xbox Game Pass。

《Hellblade: Senua’s Sacrifice》於 2017 年 8 月 8 日首次登錄在 PC 及 PS4 平台，並於 2018 年 4 月 11 日登錄 Xbox One，一年後登錄於 Nintendo Switch；不過今次嘅效能強化工作則率先針對 Xbox 平台而進行，包括加入光影追蹤技術，以及盡量將遊戲輸出維持在 4K 等等。

《Hellblade: Senua’s Sacrifice》由英國遊戲工作室 Ninja Theory 製作，為一隻富有黑暗奇幻風格嘅動作歷險遊戲，作品以八世紀末期作為時代背景，並加入不少北歐神話元素。玩家飾演女主角，一位凱爾特女戰士，為了解放死去愛人的靈魂而踏上旅途。

遊戲當中充斥濃厚嘅精神病以及情緒病要素，去體現女主角深受「黑暗」困擾嘅痛苦。富有深意嘅劇本以及演繹，令遊戲在玩家當中獲得多數好評，亦於 2017～2019 年間獲得不少遊戲界別獎項。

Ninja Theory 於 2018 年時正式被 Xbox 收購，並於 2019 年 The Game Awards 期間宣佈將開發第二集，為 Xbox 非常重視嘅項目之一。有關第二集，目前尚未有進一步公佈，有新消息會再為大家報導。