印度獨立遊戲工作室 Bharatiya Gaming Company 發表全新動作遊戲《Project Balod》，目前發售日及對應平台未定，不過工作室就表示佢地使用 Unreal Engine 5 進行開發，或者會係遊戲賣點之一。

《Project Balod》為一隻以印度街頭作為舞台嘅動作歷險遊戲。玩家飾演身份未明，不過首條公開嘅宣傳片段當中，可以見到類似地下交易、警察同黑幫勾結甚至貪污嘅畫面，相信遊戲大綱與「地下社會」有住默切嘅關係。

工作室於官方 IG 上面表示，《Project Balod》為一隻以暴力・貪污及死亡作為主題嘅歷險遊戲，雖然係獨立遊戲工作室出品，不過目前片段所見，遊戲畫質似乎有一定實力保證；不過工作室 Bharatiya Gaming Company 成員曾經參與過乜野遊戲開發，呢一點編輯部搜集到嘅資料有限，所以《Project Balod》到底製成品質素如何，還有待遊戲進一步公佈資訊。

《Project Balod》以印度語作為遊戲語音，對港台玩家黎講或者都係一種新鮮感。有新消息會再為大家報導。