著名遊戲製作人小島秀夫與 Xbox 合作協議已接近傾妥階段，並已簽下雙方首隻 Xbox 遊戲嘅初步意向書（LOI），相信不日之後會有正式公佈。

根據外媒 Venture Beat 報導，小島秀夫與 Xbox 嘅合作協議已經傾好，並即將進入正式處理階段；是次合作緣機，相信部份原因係小島秀夫認為 Microsoft 嘅雲端技術以及次世代主機機能有利於 Kojima Productions 開發新遊戲，據報 Xbox 方面已經開始為小島計劃嘅神秘新作品進行技術支援上面嘅準備。

早前有 PlayStation 玩家對於小島秀夫同 Xbox 合作一事大表不滿，並於 2021 年 7 月 1 日於網上開設聯署，認為小島今次嘅行動係背叛 Sony 以及一眾 PlayStation 玩家，又認為唔係個個玩家都有錢買多部主機、或者長期上網玩機，認為小島可以「回頭是岸」。聯署以滿 1,000 人為目標，本文列出時暫時尚未達標，不過小島及工作室對於呢個聯署未有發表任何意見。

2021 年 7 月 6 日 11:05am 為止

至於小島嘅新遊戲，目前尚在磋商階段，相信距離大家見到截圖｜Trailer 可能仲有好一段日子，有新消息我地會再為大家報導。