【遊戲新聞】日廠開設神秘網站「Nine Eyes TV」解開九個謎題獲取秘密情報

日本廠商 Spike Chunsoft 喺今日（29）開咗一個神秘網站「Nine Eyes TV」，入到去有九個眼球，每個眼球入面有部電視並且附有一個謎題，解開後會得一組密碼，集齊九組密碼之後喺網站最下方輸入就會有進一步嘅情報解鎖，不過暫時未知係乜，非常神祕。

雖然未破解謎題，不過我哋知道網站以「眼球」做設計，遊戲策畫岡田昌同時有出 Tweet 幫手宣傳，廠商為 Spike Chunsoft，得出嘅答案應該係視覺小說冒險遊戲系列《極限脫出》又或者係《AI: 夢境檔案》（AI: The Somnium Files）新作，因為岡田昌有參與以上兩款作品，而且「眼球」經常出現喺《AI：The Somnium File》入面，主角左眼亦都係擁有人工智慧嘅義眼。另外，《極限脫出》系列第一部作品《極限脫出 9小時9人9扇門》，Match 返網站入面「九」呢個數字，再者呢款遊戲係由Spike Chunsoft 前身 Chunsoft 開發，所以秘密情報好大機會同呢兩款遊戲有關。