Square Enix 於 E3 2021 節目巡禮裡面未有提及《Final Fantasy 7 Remake》第二章以及《Final Fantasy 16》嘅最新狀況，是次節目重點係《FF》類魂系外傳及全新「Marvels」系列作品《Guardians of the Galaxy》。除此之外，仲有介紹《Marvel’s Avengers》「黑豹」內容擴展包、《Final Fantasy》像素 Remaster、《聖劍傳說》Remaster、《Life is Strange》新作以及《Babylon’s Fall》等等相關資訊。

・Stranger of Paradise: Final Fantasy Origin

《Final Fantasy》世界觀、但係類魂系一戈高難度動作玩法！由 Team Ninja 與 SE 合力開發嘅《FF》外傳《Stranger of Paradise: Final Fantasy Origin》可以話係 SE 全個 Showcase 嘅焦點，遊戲對應 Xbox One｜Series X｜S、PS4｜5 及 PC，預計 2022 年登場。

・Guardians of the Galaxy

外界流傳已久嘅《Guardians of the Galaxy》終於有正式公佈，首條公開片段當中，整體遊玩感覺及方式，與《Marvel’s Avengers》極為相似，為一隻動作型歷險遊戲，玩家將飾演「星爵 Starlord」，不過似乎就未能操控｜使用「銀河守護隊」裡面嘅其他成員。遊戲對應 Xbox One｜Series X｜S、PS4｜5 及 PC，預計 2021 年 10 月 26 日推出。

・Marvel’s Avengers Black Panther: War for Wakanda 內容擴展包

儘管《Marvel’s Avengers》推出之後評價不一、營運上面亦都受到唔少玩家批評，不過工作室依然嘗試為遊戲加入新元素。是次嘅「黑豹」內容擴展包為免費更新內容，不過推出日暫時未有正式公佈。

《Marvel’s Avengers》已於 2020 年 8 月 14 日推出，遊戲對應 Xbox One｜Series X｜S、PS4｜5 及 PC。

・Babylon’s Fall

久久未有新消息嘅《Babylon’s Fall》終於有新影片，不過影片中依然未有太多資訊提供，只知道 SE 有意將遊戲設計為長期營運嘅即時動作 RPG 遊戲，與先前大家所理解嘅「單機高難度 ARPG」，目前發展方向似乎有少少唔同左。《Babylon’s Fall》將對應 PS4｜5、PC，不過發售日期依然未定。

・《Final Fantasy》1～6 代：像素 Remaster

《Final Fantasy》1～6 代像素 Remaster 將只會對應 Steam 及手機平台，目前未有確切遊戲截圖公佈，亦唔知系統 UI 上面會有乜野調整，推出日亦都未定。

・Life is Strange: True Colors

《Life is Strange: True Colors》，對應平台為 Xbox One｜Series X｜S、PC（Steam）、PS4｜5 及 Stadia，預計 2021 年 9 月 10 日推出。是次《True Colors》將不會分開章節推出，而係會以完整遊戲嘅形式上架。

詳情可參考早前報導。

・Life is Strange: Remastered Collection

《Life is Strange: Remastered Collection》，對應平台為 Xbox One｜Series X｜S、PC（Steam）、PS4｜5 及 Stadia，預計 2021 年 9 月 30 日推出。

・聖劍傳說 Legend of Mana Remaster

PS1 年代《聖劍傳說》Remaster 版本將於 2021 年 6 月 24 日登錄 PS4｜Steam｜Nintendo Switch。

另外仲有公開手機遊戲資訊：