《二之國 2（Ni no Kuni II: Revenant Kingdom）》正式宣佈推出 Switch 版本，發售日為 2021 年 9 月 16 日。

是次發售嘅 NS 版本名為《Ni no Kuni II: Revenant Kingdom All In One Edition（二ノ国II レヴァナントキングダム All In One Edition）》，除左包括於 2018 年 3 月 23 日推出嘅本體遊戲之外，亦會包含兩個 DLC「失落領主的巢穴」「魔法使之書」以及遊戲初推出時嘅限定特典道具，預定售價為日元 6,380円（連稅）。

《二之國 2》初推出時對應平台為 PS4 及 PC，細膩劇情以及系列作獨有嘅遊戲系統，都為作品帶來相當唔錯嘅評價。早在 2021 年 5 月時，《二之國 2》已被發現於北美遊戲分級 ESRB 進行 Switch 評級登錄，所以日前正式宣佈推出 NS 版本亦係意料中事，假如你未玩過 2018 年嘅版本，今次嘅「大包圍」NS 版相信亦係各位玩家珍藏之選。