編輯部榮幸得到遨請，有幸提早試玩《NieR Replicant ver.1.22474487139…》。《NieR Replicant ver.1.22474487139…》可以話係 2010 年遊戲《NieR Replicant》嘅重製版，第二集為 2017 年推出並廣獲好評的《NieR Automata》。假如你當時未玩過《NieR Replicant》，我地非常鼓勵你趁今次機會感受第一集不下於《Automata》嘅胃痛式故事。

《NieR》系列實際為 Square Enix《誓血龍騎士》（ドラッグ オン ドラグーン｜Drag-On Dragoon）嘅衍生外傳，故事劇本宏大而令人痛心，多年黎一直為唔少玩家心目中嘅經典系列。《NieR Replicant》當年推出時由 Cavia 工作室開發，劇情緊接住《誓血龍騎士》嘅結局，因此獲得唔少系列 Fans 注目，而遊戲嘅故事、音效等等都獲得一致好評；遺憾地當時嘅戰鬥系統稍為生硬，而支線或者係某啲視覺效果表現未如理想，Cavia 工作室亦於完成遊戲開發的同一年正式解散。

是次遊戲重製版本繼續由 Square Enix 發行，改由日本工作室 Toylogic 開發。Toylogic 與 SE 合作緊密，曾協助開發《The Evil Within（日版名為 Psycho Break）》以及《勇者鬥惡龍 XI 尋覓逝去的時光》3DS 版本等等作品。

遊玩三小時左右後，對於《NieR Replicant ver.1.22474487139…》的評價目前是正面的，雖然官方說重製版與原版會有些微的不同，不過遊戲早期嘅 Opening、劇情編排、地圖等等，都與 2010 年版本完全一樣。

不過，畫質美觀度大大上昇，而最重要嘅戰鬥流暢度亦都有明顯分別，無論係魔法特效、光影折射都較為符合當代主機的水準。

《NieR Replicant》最為人讚賞嘅仲有音樂。假如你未玩過原版，相信今次接觸呢個重製版本是不會失望的，由岡部啓一先生創作嘅音樂，絕對係令玩家成功浸沒於劇情裡面嘅一大功臣。

《NieR Replicant ver.1.22474487139…》於 2021 年 4 月 22 日推出，對應 Xbox One｜Series X｜S、PS4｜5 及 PC。