Animoca Brands 同日本動畫公司 Nippon Animation 宣布推出由動漫作品《櫻桃小丸子》改編既三消手機遊戲《櫻桃小丸子夢想舞台》，即係起可以係 App Store 或者 Google Play DL啦，遊戲採用免費下載制，另外有額外課金內容。

咁遊戲本質就同一般三消遊戲無乜分別，都係要將啲珠珠連埋一齊消除咁，都係高 Combo 高分就會 Unlock 新角色阿，道具阿咁，但係最緊要既就係佢既聲音，因為呢隻遊戲係收錄咗日本版、台灣版同埋香港版電視動畫中聲演小丸子既聲優 既配音！！成件事既鬼死本土，淨係呢點都值得支持啦下話？

《櫻桃小丸子》漫畫係 1986 年首次連載，曾經被改編成兩部動畫、三部真人版電視劇、三部電影仲有多款遊戲。而最為人熟悉既《櫻桃小丸子》電視動畫就係於 1990 年首次播出，至今依然持續播放中。《櫻桃小丸子》故事圍繞住小丸子同埋佢家人、同學，有關於親情、友誼，或者係一啲生活小事，有笑有淚，令人回想起童年既稚氣。