加拿大工作室 Artisan Studio 即將推出全新 RPG 作品《Astria Ascending（アストリア アセンディング）》，遊戲預計 2021 年內上架，對應平台為 Xbox One｜Series X｜S、Switch｜PS4、5 及 PC Steam。

更新：遊戲已定於 2021 年 9 月 30 日推出！

《Astria Ascending》為一隻 2D 橫向 RPG 遊戲，主題為「犧牲與命運」。遊戲以架空大陸「奧卡農」作為故事舞台，大地上面共住有五個種族，但係某日開始受到名為「Noise」嘅混沌開始威脅大地嘅安全，於是玩家必須組成隊伍去保護世界。

玩家於《Astria Ascending》中可從八個種族與特性都不同的角色中挑選一位，亦有超於 20 種職業可以選用。遊戲為傳統回合制 RPG，目前已知有五個城市可供探索，並有超過 20 個可攻略地城，亦有召喚神獸等等元素。

《Astria Ascending》雖然係小品 RPG，官方公佈遊玩時數約 50 小時左右，不過開發班底就相當豪華，例如「劇本擔當」由曾撰寫《FFVII》《FFX》等作品劇本嘅野島一成擔任，其餘開發班底亦有負責過《NieR:Automata》《Bravely Default》等等作品，可謂星級陣容。

《Astria Ascending》遊戲支援全日｜全英語音，目前尚未有正式公佈發售日，有最新消息會再與大家報導。