早於 2019 年 6 月已經推出嘅 PC 遊戲《Disco Elysium》在上架後大獲好評，繼早前推出官方中文版本之後（報導），遊戲亦先後登錄到 Xbox One｜Series X｜S、PS4｜5 及 Switch 平台上面，實行黎個平台大包圍。
即將於 2021 年 3 月 30 日推出嘅《Disco Elysium: The Final Cut》除左包含主體遊戲，更加入咗近乎全語音，增強遊戲沒入感；同時會新增四個非常考慮玩家決策能力嘅任務、新地點、新角色、新動畫，以及正式全面支援對應 PC 的遊戲控制器操作。
《Disco Elysium》由愛沙尼亞獨立遊戲工作室「ZA/UM」開發，係一隻於開放世界進行嘅 RPG，故事舞台為架空荒廢都市「Revachol」。「Revachol」係一個集貧窮與罪惡於一身嘅城市，而剛剛就有一單謀殺案發生。
玩家於遊戲中飾演一名有「酒精性失憶症」嘅幹探，你嘅主線任務就係要搵出謀殺案嘅真相；不過，隨住你一路推進主線，亦會有唔同嘅支線任務會產生，同時你亦會發現有關呢個城市嘅秘密。
呢隻被形容為「近十年 PC 必玩佳作」嘅《Disco Elysium》，玩家必須要揀選角色嘅屬性，而屬性會影響你日後嘅成長及學習技能嘅方向，同時會具備一定程度的弱點；而遊戲當中有大量需要玩家分析、思考嘅文本內容，劇情嘅靈活多變、以及故事嘅深度，都係《Disco Elysium》一大精萃所在。
較早時份，編輯部亦為遊戲撰寫過介紹文章，有興趣了解更多的朋友可以參考以下文章：
【遊戲新聞】被忽略的優秀作品 《Disco Elysium》外媒一致好評做人做狗自己揀
【遊戲新聞】 Mac 機玩家注意！ 超高評價遊戲《Disco Elysium》正式支援 Mac
《Disco Elysium: The Final Cut》將於 2021 年 3 月 30 日上架，PS4｜5 率先對應。
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。