曾製作《Silent Hill》、《Siren》系列等恐怖遊戲嘅著名遊戲製作人外山圭一郎，上年年尾就同《Siren》系列嘅班底開設新工作室「Bokeh Game Studio」。近日喺一條 Bokeh Game Studio 介紹外山圭一郎嘅影片當中，除左分享新作嘅製作方向，當中講述新作故事背景同地點嘅時候，疑似係一幅香港搬機場前嘅九龍城景色嘅概念圖！

外山圭一郎喺影片中講到，新作會將「恐懼」同日常生活融合，同時保持「遊戲」嘅娛樂性同刺激感。著重於角色同環境之間互動，靈感來自類似《恐懼鬥室 Saw》、《心慌方 Cube》等等「死亡遊戲」式作品，殘酷但極具娛樂性。

外山圭一郎預計新作於 2023 年面世，請大家密切留意我地嘅跟進報導。