具有豐富遊戲性、高度操作自由嘅《GTA》一直係唔少玩家嘅熱愛遊戲之一，而波蘭獨立工作室 Jutsu Games 就開發出遊戲《Rustler》向《GTA》致敬。遊戲在去年於 Kickstarter 上進行集資時，編輯部亦曾介紹及試玩過（報導按此），而遊戲後來亦成功集資並完成開發，暫時先行對應 Steam 平台，並將於 2021 年 2 月 18 日開始 Early Access。

《Rustler（Grand Theft Horse）》以中世紀為遊戲舞台，但係遊戲裡面唔少規則就非常現代化，例如《GTA》可以偷車、《Rustler》你可以偷馬，但係如果你亂「泊馬」有可能會比人開告票；你可以挑戰騎士高手，可以挑戰宗教法廷，可以參與女巫狩獵。對於鍾意開放世界沙盒式動作遊戲嘅玩家而言，呢隻《Rustler》都係編輯部今年其中一隻 Indie 之選。