畫風別樹一格，曾經製作《Demon Gaze》既遊戲開發商 Experience ，佢地係公司十周年紀念活動上面發表咗呢隻充滿住《甲鐵城的卡巴內里》味既作品《黄泉ヲ裂ク華》。睇遊戲宣傳片人設係幾好 J 既……，屬於 RPG類型，將會於2017年春季發售，係 Xbox One 獨佔。

由預告片入面得知，《黄泉ヲ裂ク華》係唔知玩乜春既 (不過就有傳話係無雙類)，除咗知道兩個女主角 (?) Sakura 同 Aoi 身穿和服企係橋上面，戰場上好唯美咁有鮮花盛放之外，就只係知道故事發生在一個虛構既日本戰國時代，其他乜春都唔知，唯有等官方進一步既資料發放。而今次《黄泉ヲ裂ク華》開發團隊張會同之前既遊戲完全不同，將會無預設職業，取而代之既係會有新系統允許玩家創造屬於自己既職業。另外開發商 Experience 亦都表示今次呢款遊戲係佢地 RPG 遊戲中首個非地下城類RPG，並且會係 Xbox One獨佔，亦都無計劃移植到其他平台。

另外同廠既另一隻遊戲《新釋 • 劍之街的異邦人 黑之宮殿》亦都將會係 2016年 年7月21日係 PSV 平台發售，售價為 3800 日元，同時會有5000套小說同捆版作為通常版發售。另外有買前作《劍之街的異邦人 黑之宮殿》下載版既可以追加多 1800 日元更新。

《新釋 • 劍之街的異邦人 黑之宮殿》是DRPG《劍之街的異邦人 黑之宮殿》既全新版本，追加咗大量新要素，新要素有包括「圓桌學生會」中既艾露莎，新職業「クロッカー」和「形使い」，新系統「防禦反擊」等等。