細細個就覺得開鎖佬好勁，無論係大門、鐵閘、夾萬都無野難到佢地。如果想試下做開鎖佬的話，黎緊就有隻《Locksmith Simulator》，玩家就係扮演開鎖佬幫助各式各樣嘅人，望落去都做得唔錯，值得一試！

《Locksmith Simulator》由 Live Motion Games 開發，玩家將扮演一名開鎖佬，幫助客戶打開各式各樣嘅鎖以及完成各種委託。雖然主題係開鎖，但係鎖嘅種類繁多，所以亦有返對應嘅工具。例如一般嘅門鎖用「Lockpicks」工具組就搞得掂，夾萬就要用到聽筒，密碼鎖就用技巧破解，平時常見嘅鎖頭就用鐵筆暴力破壞等等。

玩家賺到錢後就可以買各種機器擴充工作室，然後就可以接取更多元化嘅委託。例如修復破損嘅大門、換鎖膽、配匙、製作保險箱等等，不過暫時就唔覺眼有提供埋補鞋服務，如果有埋成件事就好香港啦！

《Locksmith Simulator》暫時未有推出日期，對應平台為 PC Steam，現時已登上商店頁面，可先將之加入 Wishlist。