由 Creator 「len_d69」所創作嘅《Voltron 百獸王 》，4月11號開始搵Supporters，唔洗一個月就超額完成。仲食住六月 Netflix 同夢工場合製《Voltron: Legendary Defender》，傾得掂的話真係出到產品都唔奇。
其實呢隻《百獸王》都幾「足秤」，唔單只可以分拆返 5 隻 LEGO 獅子，活動性仲非常高。
合體之後嘅《百獸王》大約高 16 吋，總重量接近 1 公斤。當然好多玩家會擔心承托力可唔可以支撐整個重量，所以 「len_d69」特登 Update 左腳掌嘅支撐，務求用最完全情況演繹。
加埋武器「十王劍」同駕駛員，大家真係要支持佢出到啊！