即將於 2020 年 11 月 12 日與 PS5 同步推出嘅《Demon’s Souls》重製版本， 日版遊戲將新規收錄日文語音，聲優陣容十分龐大，官方公佈情報如下：

PS3 版本人物介紹截圖

「黒衣の火防女」：早見沙織
「ボーレタリアのオストラヴァ」：鈴木達央さん
「要人」：白石涼子
「乙女アストラエア」：折笠富美子
「老王オーラント」：宝亀克寿
「心折れた戦士」：成田剣さん

不過，大家於香港 PS Store 裡面買到嘅版本係「中英韓文」版本，暫時未知遊戲係對應日文抑或英文語音，編輯部獲得遊戲驗證之後會再更新本篇文章。

《Demon’s Souls》首發於 2009 年，開發工作室為 FromSoftware，為一款 PS3 遊戲作品，亦可以話係《Dark Souls》遊戲系列嘅始源。廣大嘅黑暗世界觀、極高難度嘅動作內容，令到《魂系》遊戲於玩家心目中植下堅固地位。《Demon’s Souls》遊戲線上服務已於 2018 年 3 月終止。

《Demon’s Souls》今次重製版本並唔係由 FromSoftware 開發，而係改由 Bluepoint Games 聯同 Japan Studio 共同製作。

為配合重製遊戲推出，工作室亦於倫敦樂團與唱詩班共 120 人共同合作、甚至借用左倫敦  Temple Church 裡面嘅巨型管風琴，實地錄製遊戲中所有的 OST。呢隻《Demon’s Souls》嘅 Soundtrack 將於 2020 年 11 月 26 日推出數位版本，實體 CD 版本則將由 Milan Record 發行，預計今年內會推出市面。

如果想再 Classy 啲，今次呢隻 Soundtrack 仲會推出黑膠版本，預計 12 月初將會接受預訂，以下為 Ken Taylor 繪製嘅黑膠封面設計圖片：

《Demon’s Souls》重製版本將於 11 月 12 日全球推出，對應平台為 PS5。