【遊戲新聞】LoveLive! 超大喜訊！《LoveLive!》音樂遊戲街機將移植至 PS4

今次真係超大喜訊，作為《LoveLive!》愛好者每次去日本總要落機舖玩下《LoveLive!》街機，不過喺琴晚 Aqours ONLINE LoveLive! ～LOST WORLD～演唱會入面，竟然發佈呢個超大喜訊，同 SQUARE ENIX 合作嘅街機飲樂遊戲《ラブライブ！スクールアイドルフェスティバル～after school ACTIVITY～》即將移植至 PS4！

由 Bushimo 聯同 SQUARE ENIX 共同出品嘅《ラブライブ！スクールアイドルフェスティバル～after school ACTIVITY～》於 2016 年推出，係大熱作品《LoveLive!》嘅街機音樂遊戲，收錄初代 μ’s 及第二代 Aqours 歌曲，並且與手機版《Love Live! 學園偶像》有一定程度上嘅連動。遊戲基本玩法同一般音 Game 接近，畫面下方有 9 個呈半圓排列嘅按鍵，音符到果陣就撳制，而且遊戲背景會有原作角色演出，非常好睇。

街機版畫面

移植版將改名為《ラブライブ！スクールアイドルフェスティバル～after school ACTIVITY～わいわい！Home Meeting!!》（個名長到呢…….），喺影片入面見到 PS4 版本似乎將按鍵減少為 6 個，意味住譜面及難度有所改變，不過喺街機模式下就有得玩返 9 鍵版本，可由玩家自由選擇。另外，街機版跌出黎啲實體卡喺 PS4 版可以使用，不過未知具體程況係點，亦未知會否推出專用控制器。