相信唔少人都聽過 Nintendo Switch 會有叉唔到電呢個問題，導致呢個問題發生嘅原因好簡單，就係放置太耐無充過電，所以進入「深度睡眠」狀態。要避免問題發生自然要久不久幫部 Switch 叉電，但有無諗過隔幾耐叉一次先叫無事呢？任天堂日前正式有官方答案。

Nintendo Switch 生態比較特別，久唔久會出一隻全城都玩嘅遊戲，例如《Mario Kart 8 Deluxe》、《動物森友會》等等，有唔少人會因為呢類大熱遊戲而買機入坑，但當熱潮過後好多人會暫時封印部機，靜待下一隻大作推出。其實 Switch 太耐無叉電的話，有機會令到內部充電池無法充電，然後就因為無電而開唔到機，同死機相距不遠。唔想部機變死機，就要定時叉電，日前任天堂 Support 官方 Twitter（@nintendo_cs）就為大家提供官方答案，建議玩家至少每半年充電一次，確保機能正常。

ゲーム機に内蔵されているバッテリーは、あまり長い間、充電も使用もしていない状態が続くと、充電できなくなることがあります。

半年に一度は充電してあげてください。 pic.twitter.com/Je8QNH5SNT

— 任天堂サポート (@nintendo_cs) September 28, 2020

愛護你的 Nintendo Switch，唔想出《Monstern Hunter Rise》果陣先發現死機，就要記得定時叉電啦！（不過我想你解決飄移問題先囉……）