LEGO BRICKTOBER 年年都有，今年個換領條件一出，眼見要換晒一套四款 BRICKTOBER 2020 禮品，有如玩《Running Man》一樣要去幾個不同商舖購物先換得到之後，玩家們都表示以「換得到就換囉」嘅心態去對待。不過當見完實物之後，相信好多朋友都會動搖，而且可能會搶住換都唔定添。

一打開包裝盒，第一個驚喜就已經見到個蓋底原來有立體紙雕！

就咁睇好似同上年 BRICKTOBER 《春夏秋冬》個格式一樣，一個底座加一個場景。但內涵就真係好大分別啦！

4 個底座就直頭同上次砌法一模一樣，不過有樣野嘅改善令到佢加爆分，唔知你又會唔會留意得到？

今次個 LEGO logo 唔再係貼紙，用印件啊！

到四個場景，除左急速過山車係冇可動結構之外，其他三款都轉得、扭得。而且當中仲用左好多特別件去拼砌，一啲都唔馬虎

然而完成後，往常都係就咁放喺包裝盒頂，或者盒同完成品分開擺放，但今次咁靚嘅紙雕盒蓋係有用途架！

所有包裝袋放返入盒之後，再將說明書放回盒中，最後放埋個完成品喺上面

紙雕就變成背景，睇落仲成個音樂盒咁添！

連個包裝都咁用心融入場景當中嘅 LEGO BRICKTOBER 2020 禮品，大家如果想換領的話，就要記住 9 月 29 號呢個日子啦！

BRICKTOBER 換領資訊：

9 月 29 日至 10 月 26 日，凡到指定商舖購買 LEGO 產品滿港幣 480 元正即可換領一盒款

摩天小輪：只限 HKTVMALL LEGO 旗艦店換領

急速過山車：只限玩具“反”斗城換領

旋轉小鴨：樂高認證專門店及樂高探索中心禮品店換領

迴旋鞦韆：只限AEON HONG KONG換領