講起《大都會 (Metropolis)》，動漫迷聯想到嘅應該係手塚治虫筆下嘅漫畫，或者係 2001 年大友克洋以漫畫版再重新編寫嘅動畫電影版。但係不論動畫定漫畫版，所有起源都嚟自 1927 年嘅德國同名科幻默片電影《大都會》。

《大都會》嘅故事設定喺 2026 年一個叫 Metropolis 嘅城市，而整個社會同生活環境都被分為上、下層兩個階級。上層係權貴、有錢人所居住嘅華麗大樓；下層係工人、低下階層容身嘅地下城市。大家經常見到封面嘅女機械人，事實上係統治者製造出嚟煽動下層工人叛動嘅角色。經歷動盪之後，最終上、下層和解，社會再次團結。

雖然《大都會》喺十年前已經出過一個高復元版，不論 DVD 定 Blu-ray 版喺市面上都可以搵得到，但對科幻電影愛好收藏者又點會覺得足夠？

由日本出版社 Cyberdyne 出版，香港 NOVELLAND LIMITED 發行，Movie Screen Book 系列第一本作品，極豪華版《大都會 Metropolis》 圖冊。呢本畫集收錄左 1927 年版《大都會》所有場景，大家可以喺書中見到連 4K 影片都未必睇得到嘅細節。除此之外，預訂今次珍藏版嘅《大都會 Metropolis》 圖冊，訂購者嘅名將會印喺書內支持者頁入面。