歐美遊戲開發工作室 Romero Games 旗下新作《Empire Of Sin（罪惡帝國）》宣佈遊戲發售日將定於 2020 年秋季，對應平台為 PS4、Switch、XBox、Steam（Windows＆Mac）。

《罪惡帝國》首次公佈於 2019 年 6 月，為一隻回合制戰略遊戲。遊戲以 1920 年代，禁酒時期嘅芝加哥作為舞台，並將勢力劃分為 14 個黑道勢力，玩家將擔任其中一個勢力嘅成員。

玩家可以收保護費、販賣私酒、經營黃賭毒等手段以擴展組織規模以及增加名聲，亦可以行賄警務人員去達至隻手遮天，更可以與其他勢力合作、或者背叛一啲合作方案，務求令到自己嘅經織擴大，以及令自己登上組織大佬嘅位置，從而成為芝加哥最強霸主。

玩家每個行動都會影響其他勢力嘅發展及動向，而劇情亦會因此產生變化或分歧，絕對係一隻劇情要素濃烈嘅作品。

目前未知家用機版本會否在港服上架，所以暫時未有繁體中文版嘅消息，而家只有 Steam 版本提供殘體中文版本，呢方面有最新消息會再同大家報導。